Aktorja dhe deputetja e Lëvizjes Vetëvendosje, Adriana Matoshi, është fotografuar në një seancë plenare në Kosovë dhe tërhoqi vëmendjen e të gjithëve me veshjen e saj të pazakontë, duke dalë pak jashtë kornizës zyrtare.
Për këtë veshje, deputetja mori kritika të shumta nda ndhekësit e saj në rrjete sociale. Pas kritikave, Adriana ka reaguar me anë të dy postimeve në Instastory ku shprehet se veshjet e saj janë artistike pasi mbi të gjitha vetë ajo është artiste.
Postimi i plotë:
“Për miqtë gazetarë, që po kërkojnë prononcim për veshjen time në Kuvend!
Sinqerisht, më me deshirë kisha marrë pyetje për sukseset e kësaj qeverie, për rikthimin e shkelqimit të skenës kulturore etj. etj.
Por, unë nuk kam as mundësi që të zgjedh pyetjet, njëjtë sic askush nuk ka mundësi të vendosë qysh unë vishem ne Kuvend.
Veshjet e mia gjithmone janë artistike, pasi unë, mbi të gjitha, jam artiste, dhe ashtu do të mbetet përjetësisht!
Shijet jane relative, por edhe individuale. Veshja nuk më bën as deputete të keqe, as të mirë. Unë po e luaj rolin tim si deputete, për cfarë jam votuar. Kjo ka rëndësi!
Por, edhe një gjë e kam pritur: më shumë mbështetje nga gazetaret.
Jam shumë e lumtur që jetoj në një kohë kur gratë në të gjithë botën e mbështesin fuqishëm njëra – tjetrën, në cdo rrethanë, në cdo situatë.
Gratë e Kosoves, pa përjashtim, duhet që sa më parë të kuptojnë këtë trend të rëndësishem dhe kaq të nevojshëm për njerëzimin dhe të bëhen pjesë e forcimit të gruas.
Ndërsa per ata që ofendojnë, tashmë jam rexhur!”- tha Adriana.
