Po luhet aktualisht sfida mes Manchester United dhe Liverpool, ndërsa minuta e shtatë e ndeshjes ka sjellë një moment tejet emocionues.
Të gjithë tifozët e pranishëm në “Anfield”, harruan rivalitetin, mes tyre, duke u bërë bashkë në minutën e shtatë të ndeshjes, në mbështetje të Cristiano Ronaldos që po kalon një moment shumë të vështirë në jetën e tij, pasi një ditë më parë ka humbur djalin e porsalindur.
Nga ana tjetër, Ronaldo, me mirëkuptimin e plotë të klubit, vendosi të mos marrë pjesë në supersfidën e sotme në kampionatin anglez, duelin e Mançester Junajtid në fushën e rivalëve historikë të Liverpulit.
