Avokati Indrit Sefa, kandidati i PD në zgjedhjet e pjesshme vendore të 6 marsit për Bashkinë e Lushnjes, u shpreh se ka një nxitim nga Komisioni i Rithemelimit për të zhvilluar zgjedhjet në PD.
Sefa tha në emisionin “Politiko” se ne të gjithë e dimë se si po zhvillohen zgjedhjet.
“Partinë Demokratike nuk e lidh dot as me fatin e Sali Berishës dhe as me atë të Lulzim Bashës. Ka një platformë që është paraqitur nga kreut i Grupit Parlamentar, Enkelejt Alibeaj, e cila përmban disa pika, përmes të cilës synohet bashkimi. Çfarë kërkohet? Këta deputetë që janë votuar duan të bëhen pjesë e procesit të zgjedhjeve dhe kanë shumë të drejtë në atë që kërkojnë”, tha Sefa.
Ai u shpreh se afatet e vendosura nuk kanë asnjë kuptim, pasi procesi duhet të jetë gjithëpërfshirës.
“Pse vihet afati 30 prilli, çfarë do të ndodhi pas 30 prillit? Pse me kaq nxitim kjo bërja e zgjedhjeve”, tha Sefa.
Ai tha se Lulzim Basha ka nisur turin e falenderimeve me anëtarët e PD.
