Sulmuesi i Real Madridit dhe lojtari i kombëtares franceze, Karim Benzema, ka postuar një foto gjatë iftarit që ka grumbulluar miliona pëlqime në Instagram për vetëm një orë.
Ylli francez falënderoi Allahun me fjalët “Elhamdulillah” dhe u uroi të gjithë besimtarëve të besimit islam ditë të këndshme të Ramazanit.
Benzema prej vitesh e praktikon agjërimin e detyrueshëm të Ramazanit, por kjo nuk ndikon në performancën e tij, sidomos së fundmi kur ai po zhvillon ndeshjet më të mira të karrierës së tij.
Siç shpjegoi së fundmi në një intervistë me Esquire, një revistë amerikane për meshkuj, Ramazani është një pjesë e rëndësishme e jetës së tij.
