Ish-Kryeministri Sali Berisha deklaroi mbrëmjen e sotme në emisionin “Çim Peka Live” se nisur nga vjedhjet që ka bërë Edi Rama, Fatos Nano duket si hajdut xhepash.
Berisha tha se ka denoncuar vazhdimisht aferat e Qeverisë, por nuk mund të diktonte agjendën e PD-së në denoncimet që bënte kur kjo parti drejtohej nga Lulzim Basha.
“Fatos Nano më ngjan me një hajdut xhepash përballë Edi Ramës. Ky i fundit ka kryer vjedhje të paimagjinueshme. E dini ju se ka afera më të mëdha se kjo e inceneratorëve? Ja po iu them unë se kompanitë energjitike kanë një borxh mbi 1 mld dollarë. Vendi është drejt kolapsit dhe po mbahet nga reminitancat e shqiptarëve që punojnë jashtë”, tha Berisha.
