Aktores Monika Lubonja, duke qenë e izoluar për 4 muaj në “BBV”, pa pasur asnjë kontakt me botën e jashtme dhe asnjë informacion, pas daljes i është dashur kohë të përshtatej me atë që po ndodhte me realitetin.
E ftuar në “Why?Not”, ajo ka rrëfyer se si ka qenë e gjithë eksperienca e saj në “BBV”.
“Është gati një muaj e pak që kemi dalë. Nuk është e thjeshtë. Nëse në momentin e parë që unë dola nga ai izolimi, që unë e quaja shumë të tmerrshëm sepse kanë qenë gati 132 ditë, një izolim që gati-gati nga fundi vinte në një mosdurim të gjërave, në një shpërthim të gjërave me dashje, pa dashje.
Kjo është ajo pika që mendoje se edhe spektatori jashtë do ta mirëkuptonte këtë lloj gjëje. Përveç faktit që u quajt Big Brother i VIP-ave, njerëzit na njihnin dhe kishin interes të na shikonin, të izoluar se si do shpërthenim me të mirat dhe të këqijat tona, ishin sepse ne vinim nga një izolim.
Ishim të izoluar nga Covid dhe njerëzit mendova se do ishin më të sinqertë dhe më tolerantë ndaj gjykimit të gjërave. Duke qenë në një ambient që ti e kalove një izolim, edhe vetëm se tu kufizua pak koha, por kishe televizorin, celularin, e merrje informacionin, të gjithë njerëzit ju shpërfytyrua karakteri, qëndrimi, të gjithë nuk ishin më ata njerëzit që ishin para se të futeshin në karantinë.
Po ne që u futëm dhe ishte një izolim total? Kishe merak se çfarë po ndodhte në shtëpinë tënde. Ishim gati 30 veta dhe ti duhet t’i kontrolloje situatat e të gjithëve, gjendjet e të tërëve, gjendjet emocionale dhe shpirtërore.
Aktorja tha se edhe brenda shtëpisë së BBV ka qenë Monika e cila është jashtë.
