Alesjo Romanjoli është një nga objektivat kryesor të merkatos së Lacios, me drejtorin sportiv të bardhekaltërve, Igli Tare që pritet ta konfirmoj interesimin me një ofertë zyrtare në javën e ardhshme.
Sipas asaj çka raporton “Il Tempo”, në javën e ardhshme do të këtë një takim mes Tares dhe agjentëve të lojtarit, ku do të diskutohen çështjet lidhur me kontratën që Lacio është e gatshme ti ofrojë 27-vjeçarit.
Kontrata e Romanjolit me Milanin përfundon në verën e këtij viti, me klubin kuq e zi që nuk është i gatshëm të rinovoi me të njëjtat shifra ekonomike.
Duke parë këto kushte lojtari do të ishte i gatshëm ti bashkohej Lacios, që nga ana tjetër do t’i ofronte një rol kryesor në skuadër, si dhe një pagë të mirë nga ana financiare.
