Deputeti i Partisë Demokratike, Luçiano Boçi, e shikon bashkimin e demokratëve vetëm përmes votës së lirë dhe jo përmes platformave të shpikura.
Lidhur me atë që konsiderohet si platforma Alibeaj, Boçi u shpreh skeptik për draftin e propozuar nga kreu i grupit parlamentar.
“Bashkimi do të vijë vetëm përmes votës, dhe jo nga platformat e shpikura”, tha Boçi.
Deputeti demokrat shprehet se opozita nuk ka interes për Presidentin e Ri, pasi sipas tij Edi Rama i ka kapur të gjitha pushtetet në vend, dhe tashmë ka votat e nevojshme për të zgjedhur në mënyrë të njëanshme kreun e ri të shtetit.
Boçi shprehet se Edi Rama po intimidon sistemin e drejtësisë, pas deklaratës së bërë në Kongresin e Partisë Socialiste, ku kreu i qeverisë i bëri thirrje SPAK të hetojë liderin historik të demokratëve, Sali Berisha.
Deputeti Boçi shprehet se Edi Rama do të japë një ditë llogari përpara drejtësisë për të gjithë aferat korruptive, që ka kryer gjatë tre mandateve të qeverisë.
