Piktori i njohur shqiptar me famë botërore, Omer Kaleshi është ndarë nga jeta në moshën 90-vjeçare.
Lajmi i trishtë është publikuar në faqen zyrtare të Facebook të artistit të njohur.
“Ceremonia e varrimit të xhaxhait tim të dashur Omer Kaleshi do zhvillohet pas namazit të pasdites. Ai do prehet në varrezat e Küçükköy”, shkruhet në rrjetin e tij social.
Omer Kaleshi lindi në vitin 1932, në një fshat të Maqedonisë së Veriut.
Pas shumë udhëtimesh, pikturimesh dhe ekspozimesh në Stamboll, Romë, Vjenë, Mynih, Londër, Selanik, Beograd, Hagë, në vitin 1956 ai u vendos në Paris.
Kaleshi ishte anëtar nderi i Akademisë së Shkencave dhe Arteve të Maqedonisë së Veriut.
