Një ngjarje tragjike është shënuar mesditën e kësaj të premteje në Gjirokastër, ku një 62-vjeçar ka humbur jetën pasi dyshohet se është mbytur në liqenin e Viroit.
Viktima është identifikuar si Besnik Koka, ndërsa rrethanat e ngjarjes mbeten ende të paqarta. Menjëherë pas njoftimit, në vendngjarje kanë mbërritur shërbimet e Policisë, të cilat kanë nisur hetimet për të zbardhur shkaqet dhe dinamikën e plotë të rastit.
Kjo është viktima e tretë nga mbytja gjatë ditës së sotme në vend. Më herët, në Plazhin e Tales, u gjetën pa shenja jete dy vajza të mitura, të cilat dyshohet se u mbytën në det.
