Federata Shqiptare e Futbollit, FSHF ka nisur procesin e informimit dhe pajisjes me bileta të shqiptarëve që do të kërkojnë të jenë të pranishëm në sfidën e 24 marsit mes Italisë dhe Shqipërisë. Ndeshje kjo që pritet të luhet në stadiumin “Renzo Barbera” të Palermos.
Drejtori i zyrës së marrëdhënieve institucionale dhe projekteve në Federatë, Kejdi Tomorri njoftoi tifozët për mënyrën e shpërndarjes së kuotave që Federata Italiane ka vënë në dispozicion të Shqipërisë.
“Janë rreth 2400 bileta që do të shiten nënëprmjet faqes zyrtare të Federatës Shqiptare të Futbollit. Dy javët e para këto bileta do të jenë në dispozicion vetëm për anëtarët e “Fun Club” dhe më pas shitja do të jetë e lirë”. FSHF bën thirrje që aplikuesit të përdorin të dhëna të sakta dhe të plota për të mos hasur pengesa pasi ky është një kusht i vendosur nga homologët italianë. Por si do të veprohet në rastin e emigrantëve që jetojnë e punojnë në Itali dhe cilat janë pritshmëritë e Federatës Shqiptare të futbollit për mbrëmjen e 24 Marsit pikërisht nga kjo kategori. “Në rast se shqiptarët që jetojnë dhe punojnë në Itali nuk janë të pajisur me lejeqëndrimi apo pasaportë italiane, nuk mund të blejnë një biletë për të hyrë në stadium dhe në këtë rast rruga e vetme është blerja nëpërmjet faqes së federatës”, tha Tomori.
