Nga Boldnews.al
Autoblinda ushtrie që nga gryka e mitralozëve shtinin tmerr edhe më shumë se vetë sëmundja. Qytetarë që tërhiqeshin zvarrë nga policia, pse dolën pa leje nga shtëpitë, (njëri prej tyre Klodian Rasha u vra nga policia sepse kishte shkelur orën policore )gjoba të rënda që si laje dot me dekada dhe një kryeministër që rrefente në sofrën e mbushur për ne barkboshët dhe të tremburit, se po vinte pragfundi i botës… Rama na foli për kamionë me arkivolë, varreza të mbushura me trupa viktimash dhe thirrje për të larë duart, pa harruar asnjëherë: “mbani maska…”. Kryeministri na ktheu pas në kohë, teksa luftonim me armikun e padukshëm “Covid-19”.
Vjen një moment kur Ramës i tregojnë ligjin dhe rregullin. E zbresin nga avioni, e shoqërojnë në polici, e mbajnë aty deri në sqarim dhe mbi të gjitha e detyrojnë të vendosë maskën, ose hundleckën e duhur. Mos e bëri policia shqiptare këtë gjëmë? Jo, sepse ky do ishte fundi i “botës në katundin tonë”, ligjin dhe rregullin ia kujtuan gjermanët më 3 dhjetor 2021. Atij i treguan se çdo të thotë të jesh qytetar i barabartë si gjithë të tjerët. Sepse ishte në vendin ku nuk të pi ujë pushteti, qofsh ti edhe “mbret iluziv”, që qeveris një popull të duruar dhe dështuar.
Atij i përcaktuan kufirin për pak orë, ndërsa neva na dhanë një mesazh akoma më të madh, për të kuptuar se deri ku shkon marrina e një kreu qeverie, të cilit i kemi dhënë aq pushtet sa na turpëron të gjithëve, faqe botës por dhe para syve të një stjuardese.
Vetë Rama mund të mos e ketë pasur herën e parë të shoqërimit në një polici në një nga vendet e huaja. Akuza për ikona dhe piktura të vjedhura, një herë e një kohë në Francë, kur thonjtë e paprerë zgjateshin si penel, na u rikthyen sërish. Është pak (grabitja veprave të artit), para tmerrit që duke qeverisur me trafikantë droge, përdhunues në grup (që u bënë kryebashkiakë, me shtatë identitete), apo shfrytëzues prostitucioni që i përzgjodhi deputetë, në këtë ditë do të vinim.
Dhe për ironi, taksën e fluturimit jo të mbarë të Ramës me tranzitin Tiranë-Franktfurt-Detroit, duke përdorur më pas edhe hapësirën tonë qiellore, na i mban biznesmeni Françesko Beketi, që fitoi përballë arrogancës së Ramës 120 milionë euro. Ato miliona ne si shoqëri do i nxjerrim nga xhepat e mpakur, madje duke marrë edhe “tarifën e turpit” që u la në Franfurt. Jemi të “pasur”, kur Shqipërinë e ka nxjerrë në shitje me PPP dhe për ushqim ofron bukë thatë që lyhet me propagandën e Fug(ksave) të tij.
Media vetë u mbulua me turpin që kurrë nuk po e kupton. Dhanë tek ne lajmin se shoqëria e transportit ajror i kishte kërkuar falje Ramës për incidentin, ndërkohë që nuk kishin publikuar lajmin për këtë ngjarje.
Ramën e këmi përsëri në ajër në takimet më të fundit në Turqi e Azerbaxhan, duke kaluar edhe disa kohë relaksi se ashtu ja do xhani. Megjithatë një njollë jo të vogël i ka mbetur në Gjermani, aty ku kancelaritë janë të detyruar ta presin me buzëqeshje për t’i kujtuar se “Ballkani i Hapur” e ka rrugën e shkurtër Tiranë-Shkup-Beograd dhe nuk mund të jetë Tiranë-Berlin-Bruksel.
Ngjarja ndodhi për turpin tonë, sepse të kërkosh skuqje e zverdhje për disa të mëdhenj me pushtet, janë të dyja ngjyra që si njohin, ndonëse mund të jenë piktorë në profesion dhe kryeministra në kohën e lirë.
Dekriminalizimi është ende një fletushkë që duhet plotësuar, për të mos u bërë objekt në një kohë tjetër kur ndoshta Shqipëria në ëndrrat tona, mbase bëhet. Rama në zgjedhjet e ardhëshme parlamentare mund të rrezikojë përjashtimin si deputet nëse nuk shkruan në formularin e dekriminalizimit se më 3 dhjetor 2021, është shoqëruar nga policia gjermane, pranë Aeroportit të Frankfurtit.
Lajmin na e dhanë mediat e vërteta që nuk vetëshiten për inters e nuk shantazhohen për tu shitur. “Edi Rama shkaktoi një skandal në bordin e avionit të Lufthansa, gjatë valës së katërt të pandemisë së koronavirusit. Kryeministri shqiptar nuk ka dashur të mbajë maskë. Kur edhe piloti nuk arriti të zgjidhte konfliktin, erdhi policia federale”-thuhet në shkrimin e publikuar.
Me tej, duke iu referuar po skandalit të rëndë, theksohet se: “Vetëm pasi e bindi një punonjës të Ministrisë së Jashtme Federale të thirrur me ngut, Rama më në fund pranoi të zbatonte rregulloret e parashikuara kundër coronavirusit, si të gjithë pasagjerët e tjerë në bordin e Lufthansa. Linja ajrore më pas i ricaktoi atij dhe delegacionit të tij prej dhjetë anëtarësh një fluturim tjetër për në Shtetet e Bashkuara. Një gjobë e mundshme për shkelje të detyrimit për të mbajtur maskë në bord nuk u vendos”.
Na qenka dashur ardhja e një punonjësi të Ministrisë së Jashtme Gjermane që të lutej kompanisë ajrore që ta “lëshonin të pabindurin”, gjithnjë duke e detyruar të vinte maskën. Mund të jetë përdorur serbes edhe fjala: “njoh Merkelin, njoh Shulsin”… Po a ngjisin këto fjalë nga kryeministri i një vendi që Gjermaninë e ka mbushur me qindra mijëra emigrantë fatkeqë që mbajnë radhën për një pjatë supë në kampet e azilit? Pas publikimit të këtij skandali, vetë Endri Fuga e cilësoi si “lajm të vjetër”, ku pranonte incidentin, por sipas tij vetë kompania kishte kërkuar ndjesë. Maska ra!
