Në momentin më të bukur, Barcelona ndalet. Të paktën në Europa League, katalanasit nuk arrijnë të bëjnë dot asgjë pasi përballë kishin një skuadër shumë të etur dhe konkrete si Eintracht Frankfurt të cilët në fund fituan 3-2.
Është një fitore që vlen një vend në gjysmëfinale por më e rëndësishme është fakti që i dhanë goditjen e parë pas kaq shumë fitoresh Xavi Hernandezit.
Në një stadium të dominuar nga tifozët gjermanë, plot 30 mijë të tillë, miqtë shokuan me dy gola të shpejtë Barçën ku Kostiç me penallti në 4’ dhe Borre në 36’ shtruan rrugën e fitores. Në pjesën e dytë serish Kostiç ishte ai që vulosi kualifikimin ndërsa golin e nderit e realizoi Busquets në 91’.
Kujtohet shumë vonë ekipi blaugrana pasi edhe në minutën e 9’ shtesë, Depay shënon duke shkurtuar diferencën por nuk ka më kohë. 3-2 për Eintracht dhe një kualifikim i merituar dhe tashmë në gjysmëfinale gjermanët do të kenë West Ham përballë.
Skuadra e Moyes mundi Lyonin 3-0 në Francë për të fituar biletën për më tej teksa ndeshja e parë përfundoi 1-1 në Londër.
