Vllaznia është kualifikuar për në finale të Kupës së Shqipërisë, ku mposhtën nëpërmjet pikës së penalltive Partizanin.
Duket se te shkodranët nuk ka pasur vetëm lumturi për kalimin në finale, por edhe një moment të pakëndshëm me titullarin e padiskutueshëm të mbrojtjes, Fallu Dianje.
Mësohet se Dianje se s’ka pranuar një vend në pankinë. Ai nuk ka qenë fare i pranishëm në këtë sfidë. Nga sa mësohet, lojtari s’ka pranuar të jetë si zëvendësues në këtë ndeshje.
Ai madje s’ka pranuar të jetë me ekipin pas grumbullimit, duke mos e ndjekur atë në takimin e mbrëmshëm. Vetë Plori theksoi se gjithçka do të sheshohet mes palëve në ditët në vazhdim.
