Vllaznia ka mundur Partizanin pas goditjeve të 11-metërshave dhe gjen Laçin në finalen e Kupës së Shqipërisë.
Në “Loro Boriçi” u luajt ndeshja e dytë pas barazimit pa gola në “Elbasan Arena”.
Nëndeshjen e sotme, Partizani, menjëherë gjeti golin me Esat Malën në minutën e tretë teksa të kuqtë janë shumë të rrezikshëm dhe rrezikojnë të shënojnë edhe dy herë të tjera me Skukën dhe Kallakun.
Vllaznia reagon menjëherë teksa në 27’ gjen golin e barazimit me Aralicën që godet dhe topi i devijuar nga Bitri shkon në rrjetë.
Goli rikthen dhe qetësinë në fushë me ekipet më të kujdesshme ndërsa pjesa e dytë është më shumë e luftuar ku frika nga gabimet bën dhe që ekipet të luajnë më të mbyllura.
Janë pak raste teksa në minutat shtesë ka një pretendim të Vllaznisë për një pengim të Liridon Latifit në zone teksa VAR e anlizon dhe vendos që loja të vijojë.
Skuadrat shkojnë në 30 minuta shtesë dhe këtu rastet krijohen por nuk shfrytëzohen dhe në fund vendosin penalltitë.
Partizani i nis shumë keq teksa Skuka humbet të parën menjëherë dhe në fund rezulton deçiziv penalltia e Latifit duke mbyllur dramen 5-4 me penallti.
Vllaznia kështu shkon në finale për të mbrojtur trofeun e fituar vitin e kaluar dhe ku do të gjejë Laçin e Duros që sot eliminuan Teutën duke barazuar 1-1 në sfidën e kthimit e ku fituan 2-1 të parën.
