Nga Boldnews.al
Çështja e konçesionit të checkup-it (analizave mjekësore) me një vlerë 120 milionë euro, e shtrirë në dhjetë vite, jo vetëm po zhbëhet, por ka lënë pas një faturë të rëndë, për një shërbim me shumë probleme dhe konstatime për të dhëna fiktive në kryerjen e analizave mjekësore.
Dosja e madhe konçensionare ku edhe Kontrolli i Lartë i Shtetit konstatoi abuzime të dukshme është dërguar në SPAK nga Partia Demokratike më 24 janar të vitit 2020. Kanë kaluar më shumë se dy vite dhe burime pranë institucionit hetimor shprehen se çështja thuajse nuk është prekur fare dhe rrezikon që të mbyllet me procedurë, pasi po mbushen tre vjen nga momenti i denoncimit.
Burimet shprehen se janë kryer disa verifikime, por çështja është në fillesat e saj. Ndërsa faktin që po kalojnë afatet 3 vjeçare të hetimit e mbulojnë me arsyetimin pa asrye, se çështja mund të rihapet nëse ka ndonjë fakt apo denocim tjetër.
Gjithashtu një tjetër problem po “procedurual”, ku SPAK po kujdeset që ti shkojë deri në fund mbylljes së syve dhe gjumit mbi dosjen me aferë të dukshme korruptive, është se vepra penale e shkeljes së barazisë në tendera mund të parashkruhet dhe përgjegjësit do jenë të lirë, ashtu si “Liri i Rilindjes”….
Kontrata është firmosur në vitin 2015 kur Ministër Shëndetësi ishte Ilir Beqja, i cili ka barrën edhe të dy dosjeve të tjera konçesionare po në shëndetësi. Që në lidhjen e kontratës pati dyshime se konçesioni abuziv i ishte dhënë një kompanie që nuk kishte asnjë eksperiencë në fushën mjekësore, madje shquhet kryesisht për importin dhe tregtimin e duhanit. Me një të rënë lapsit qeveria u angazhua të derdhte një shumë të majme prej 120 milionë euro, duke bërë “tym” arkën e shtetit.
Që nëntë muajt e para të kontratës konçesionare, qeveria merrte përsipër ku në vitin 2015 ti paguajë kompanisë “3P Life Logistic” 475 mijë analiza në vit, pavarësisht se sa është numri real i personave që e merrin këtë shërbim.
Kjo klauzolë vijoi edhe për vitet në vijim, ku Kontrolli i Lartë i Shtetit (KLSH) në raportin e buxhetit faktik 2018 ka konstatuar shkelje nga auditimi mbi monitorimin e kontratës së kontrollit bazë CHECK-UP me PPP.
Aty rezultoi se nuk ka arritur projeksionet e kontratës duke bërë që pagesat e marrë tepër nga koncesionari, për punën e pa kryer për vitet 2015, 2016, 2017 dhe 2018, pra kosto shtesë progresive (duke zbritur shpenzimet stabël) është 801 milion lekë (241 milion lekë për shpenzimet variabël të kontrolleve të pa realizuara dhe 560 milion lekë TVSH-ja e faturuar e këtij shërbimi), ndërsa për vitin 2018, kjo kosto shtesë llogaritet për 168 milion lekë (22 milion lekë për shpenzimet variabël të kontrolleve të pa realizuara dhe 146 milion lekë TVSH-ja e faturuar e këtij shërbimi).
Përtej dosjets dukshëm me shume probleme SPAK nuk ka mundur që të dërgojë para përgjegjësisë personat që lidhën kontratën e dyshimtë dhe gjithashtu kryen pagesa fiktive, pavarësisht numrit të qytetarëve që merrnin shërbimin.
Nuk është rasti i parë që SPAK-u është mpakur në hetimin e çështjeve konçesionare, pasi përfshihen emra të rëndë të pushtetit.
Aktualisht Ilir Beqja menaxhon fondet që janë donacione ndërkombëtare, kryesisht për pasojat e tërmetit dhe të pandemisë. Për konçesionin e checkup-it që u përfitua nga një kompani e tregtimit të duhanit SPAK është mbytur në duhmën e “katranit”, “nikotinës” dhe “monoksidit të karbonit”.
