Blogerja e seksit, Zhaklin Lekatari ka befasuar me rrëfimin e saj për familjen e fëmijërinë, duke treguar se pasi i ati ndërroi jetë, e ëma e ka dhënë për adoptim atë dhe motrën e saj në një familje italiane.
E ftuar në “Vila24’, Lekatari pranon se nuk e ka përjetuar mirë këtë vendim dhe nuk ruan mbresa nga familja që e birësoi, madje thotë se nuk ka komunikim me ta, përveç vëllait të vogël. Lekatari kritikon mamanë adoptuese që nuk i ka kërkuar ende ndjesë për mënyrën si është sjellë me të.
“Trauma të mëdha më ndodhën menjëherë, por dhimbja të pasuron. Na janë dashur vite për të shëruar traumat…”- shton Zhaku e prekur teksa zbulon dhe raportin me mamanë e saj biologjike.
“Kam pasur ndjenja refuzimi, ndjenjën e fajit, me nënën kam pasur marrëdhënie të komplikuar…”, thotë ajo duke shtuar se tani që është kthyer në Shqipëri, jeton me mamanë e saj biologjike, Antonetën.
