Kryeministri Edi Rama mbrojti edhe njëherë këtë të Enjte kontratat koncesionare për inceneratorët, për të cilat janë arrestuar deri më tani disa zyrtarë.
Gjatë një konference për mediat, Rama është pyetur nga gazetarët në lidhje me kontratat koncensionare që janë ende në fuqi dhe për arrestimin e Alqi Bllakos.
Rama theksoi se qeveria paguan sepse kështu e thotë ligji.
Pyetje: Ditët e fundit, SPAK ka vënë në sekuestro incineratorin e Fierit dhe kanë vënë në pranga Bllakon, a duhen pezulluar këto kontrata koncesionare?
“Është një fjalë që ma ka mësuar gjyshja, të insistosh në gabim është djallëzore. Ne nuk veprojmë dot si gazetë se si individ nëse doni ta dini, jashtë kësaj zyre unë mendoj si ju por ligjërisht kjo nuk bëhet dot sepse procesi vazhdon. Nuk është dënim përfundimtar i formës së prerë. Deri kur do vazhdojë propaganda në pyetje, që gazetarët të bëjnë prokurorin kur marrin mikrofonin. Pyetje retorike është, sepse janë të lirë të thonë ç’të duan sepse për ata që ju dëgjojnë krijohet përshtypja sikur ju jeni në anën e duhur dhe ne në të gabuarën. Kjo është gabim, jemi në të njëjtën anë, nga përgjegjësia ama ne jemi në anën e duhur. Nuk ka lidhje fare as me sekuestrot as me arrestimet, kontrata është aty deri kur ka një arsye ligjore nga një pushtet i pavarur, jo nga pala. Shumë e thjeshtë”, tha Rama.
Lexo edhe:
Rama: Do legalizojmë kanabisin mjekësor
Rama: 59% e shqiptarëve, dakord me Ballkanin e Hapur
Presidenti/ Rama: Jam kundër zgjedhjes të kreut të shtetit nga populli
Rama: Do kërkojmë ndarjen nga RMV nëse Bullgaria s’ia heq veton
