Një person 46-vjeçar është arrestuar nga policia e Kuçovës, pasi akuzohet për veprime të turpshme ndaj një vajze të mitur.
Burime bëjë me dije se prindërit e vajzës 10 vjeçe bashkë me këtë të fundit janë paraqitur në komisariatin e qytetin pasditen e djeshme për të kallëzuar rastin.
Vajza është marrë në pyetje në praninë e një psikologeje, ku ka rrëfyer versionin e saj të ngjarjeve. Dëshmi në polici dhanë edhe prindërit e së miturës.
Policia shpalli në kërkim personin e akuzuar ditën e djeshme.
Këtë të Mërkurë, policia njoftoi arrestimin e 46-vjeçarit Tomorr Hima, i cili akuzohet për veprën penale “Veprime të turpshme”.
“Nga specialistët e Seksionit për Krimet në Komisariatin e Policisë Kuçovë u bë arrestimi në flagrancë i shtetasit T. H., 46 vjeç, banues në Kuçovë, pasi dyshohet se ka kryer veprime të turpshme me një shtetase të mitur 10 vjeçe. Materialet i kaluan Prokurorisë pranë Gjykatës së Rrethit Gjyqësor Berat, për veprën penale ‘Veprime të turpshme’”, thuhet në njoftimin e bluve.
