Komediani Chris Rock do të përfitojë shuma të majme parash pas skandalit që ndodhi në skenën e “Oscars”, ku u godit me shuplakë nga Will Smith.
Pas incidentit, Rock i kanë sugjeruar shuma parash dhe oferta të ndryshme për intervistën e tij të parë, ndërsa Oprah Winfrey dhe Ellen DeGeneres, i sugjeruan emisionet e tyre për komentet e para të aktorit.
Sipas “The Sun”, biletat për shfaqjen e tij ‘stand-up’ janë ndër më të kërkuarat e ditëve të fundit, nga të cilat do të përfitojë rreth dy milionë dollarë.
Zgjidhja e situatës “me vetpërmbajtje dhe gjakftohtësi” ka kontribuar në popullaritetin e tij dhe si rezultat po fiton shuma të konsiderueshme.
