Boksieri shqiptar Florian Marku fitoi dje një ndeshje të rëndësishme përballë Chris Jenkins, që e ngjiti shqiptarin në renditjen e përgjithshme të boksit nga vendi i 73-të në të 48-in. Ndërsa në kategorinë IBF ndodhet i 13-ti. Ky sukses është mjaft i rëndësishëm për lushnjarin që me një rekord 11 fitore dhe 1 barazim të kontestuar, kërkon majat e renditjes.
Pas duelit të fituar Marku nuk ngurroi të ftonte për ndeshjen e radhës një tjetër boksier. Por kush është ai?
Bëhet fjalë për Amir Khan i cili është mjaft i njohur në boksin profesional anglez. Ai ka një karrierë të pasur me 34 fitore dhe 6 humbje, ku është shpallur dhe kampion bote. Prandaj Marku e synon një ndeshje dhe fitore me të sepse mund t’i jepte një jehonë të madhe, dhe lushnjari asnjëherë nuk ka ngurruar të thërrasë në ring kundërshtarë më të njohur se vetja.
