Mjekët dhe infermierët e arrestuar pasi mjekuan Nuredin Dumanin në Fier, kanë folur para Gjykatës së Elbasanit.
Mjekët kanë thënë se janë marrë në banesë nga një person që njihej nga ana e Dumanit.
Ata deklaruan se nuk kanë pasur dijeni se kë do të mjekojnë se kur janë gjendur përballë të plagosurit, e kanë mjekuar, pasi kanë bërë betimin e Hipokratit.
Mjekët kanë thënë se ndihmën mjekësore nuk do ia refuzonin asnjë qënieje njerëzore, përfshirë Nuredin Dumanin.
Trupi gjykues vendosi “arrest shtëpie” për mjekët Julian Malaj dhe Bledi Bërdalli, ndërsa për infermierin Ermal Gjeci “detyrim paraqitje”. Mbi bluzat e bardha rëndon akuza “Moskallëzimi i krimit” dhe “Veprime që pengojnë zbulimin e së vërtetës”.
Ata ishin mes 6 të arrestuarve të operacionit “arratia” të martën e kësaj jave. Një ditë më parë gjykata dha masën e sigurisë “detyrim paraqitje” për vajzën që u gjet me Dumanin, 20 vjeçaren nga Kosova dhe “arrest me burg” për bashkëpunëtorin e të shumëkërkuarit Henrik Hoxhaj.
