Një oficer policie është qëlluar për vdekje dhe dy të tjerë janë plagosur teksa iu janë përgjigjur thirrjeve për dhunë në një qytet në Pensilvani.
Policia iu përgjigj një thirrje për dhunë, që kaloi në përleshje me armë më vonë.
Një i dyshuar mashkull 34-vjeçar i paidentifikuar u vra në shkëmbim zjarri së bashku me një oficer, identiteti i të cilit u fsheh derisa familja u njoftua, raportojnë mediat e huaja.
Një oficer po luftonte për jetën e tij dhe një tjetër ishte në gjendje të qëndrueshme, sipas kryebashkiakut, Sherry Capello.
“Natyrisht që incidenti është ende nën hetim dhe detajet do të vijnë pas përfundimit të hetimit”, tha Capello.
“Në këtë moment jemi të fokusuar në humbjen tragjike të oficerit dhe mirëqenien e pjesëtarëve të tjerë të departamentit tonë të policisë. Ky është një moment jashtëzakonisht i vështirë për të gjithë”, shtoi ai.
