Që nga mbrëmja e djeshme vendi është përtfshirë nga moti i ke, me reshje të dendura shiu, erëra të forta të ciloat në disa qytete kanë sjellë edhe probleme. Gjatë orëve të mbrëmjes së sotme ka pasur edhe rrëshqiptje dheu në disa akse rrugore.
Policia e shtetit në një njoftim të fundit, bën të ditur për qytetarët se duhet të kenë kujdes. Një apel vjen për drejtuesit e automjeteve që shfrytëzojnë akset rrugore, ku në disa prej tyre ka pasur rreshqitje dherash.
Sipas policisë drejtuesit e mjeteve dhe motomjeteve duhet të kenë kujdes në rrugë, të mos parakalojnë në mënyrë të gabuar dhe të ndjekin udhëzimet e saj.
Njoftimi
Nisur nga moti i keq, me reshje shiu në të gjithë vendin, Policia e Shtetit apelon për të gjithë drejtuesit e automjeteve dhe motomjeteve që të tregojnë kujdes, të reduktojnë shpejtësinë dhe të respektojnë rregullat e qarkullimit rrugor.
Drejtuesit e mjeteve dhe të motomjeteve të mos kryejnë parakalime të gabuara, të ruajnë distancën gjatë qarkullimit, të vendosin rripin e sigurimit, kaskën mbrojtëse, të mos përdorin celularin gjatë drejtimit të mjetit, si dhe të mos drejtojnë automjetet apo motomjetet nën efektin e alkoolit apo në gjendje të dehur.
Në të gjitha akset rrugore kryesore, në qendrat urbane e akset kryesore rurale, janë prezente shërbimet e Policisë Rrugore, për të drejtuar qarkullimin rrugor, me qëllim parandalimin e aksidenteve rrugore, si dhe për t’i ardhur në ndihmë çdo drejtuesi mjeti që mund të ketë probleme.
Të gjithë përdoruesit e rrugës të ndjekin udhëzimet e punonjësve të Policisë Rrugore dhe të autoriteteve të tjera shtetërore, dhe në rast të bllokimit të rrugës, drejtuesit e mjeteve të qëndrojnë në radhë deri në zhbllokimin e saj.
Aktualisht të gjitha akset rrugore janë të kalueshme, me përjashtim të aksit Elbasan – Librazhd, tek ura e Murrashit, ku lëvizja kryhet vetëm në një korsi, pasi në rrugë ka inerte. Nga ana e firmës kontraktore po punohet për zhbllokimin e plotë të rrugës.
Për çdo problem që mund të hasni, kontaktoni në numrin 112 dhe Komisariatin Dixhital!
