Milan vijon “betejën” për tu rikthyer te titulli në Serie A. Kuqezinjtë e Stefano Piolit shihet si favoritë në këtë pikë, por në të njëjtën kohë që ekipi “lufton” në fushë, drejtuesit e klubit po punojnë për të ndërtuar ekipin për sezonin e ri.
Pasi dështuan në Champions këtë vit, ku u eliminuan që në fazën e grupeve, “djalli” kërkon që sezonin e ardhshëm të jetë më konkurrues pikërisht në një turne ku dinë se si fitohet. Maldini dhe stafi i tij, kanë në dorë listën e dëshirave të Stefano Piolit, repartet ku kërkohen ndryshime.
Sulmi mbetet prioritet për sezonin e ri pasi lojtarë si Giroud dhe Ibrahimovic nuk ofrojnë shumë garanci, kjo edhe për shkak të moshës. Orgi i Liverpool është një temë e nxehtë por nga Anglia kanë një tjetër emër, bëhet fjalë për Armando Brojën.
Pas Pellegatit, kjo dëshirë e Milan, përforcohet edhe në ishull. Broja është një sulmues i ri, ditëlindja 2001 ndërsa në sezonin e tij të parë si protagonist në Premier League po shkëlqen. Broja ka shënuar 9 gola në 31 ndeshje me fanellën e Southampton, ndërsa 3 gola në 12 ndeshje ka shënuar me përfaqësuesen shqiptare.
Maldini dhe Massara kanë një marrëdhënie të shkëlqyer me klubin e Chelsea, nëse gjërat zgjidhen shpejt, pra nëse Chelsea i lejohet të operojë në tregun e transferimeve, dyshja e Milan do të paraqitet me një ofertë konkrete për Armando Brojën. Sipas mediave italiane, sulmuesi kuqezi konsiderohet si “qershia mbi tortë” për Stefano Piolin dhe projektin e tyre të ri.
