Pas vendimit të GJKKO, SPAK pritet të arrestojë ish-deputetin Alqi Bllako.
Në seancën e vlerësimit të masës së sigurisë është vendosur që Bllako të ketë masën e sigurisë me burg, çka do të thotë se Policia e Shtetit në zbatim të vendimit të Gjykatës duhet ta arrestojë.
Bllako është njv nga zyrtarët që është hetuar nga SPAK lidhur me aferën e inceneratorëve. Ai u hetua për postet që ka mbajtur përpara se të kandidohej nga Edi Rama për deputet në zgjedhjet e 25 prillit. Ndër pozicionet që ka mbajtur në qeverisjen socialiste, Bllako ka qenë edhe Sekretar i Përgjithshëm i Ministrisë së Mjedisit.
Bllako akuzohet për shpërdorim detyre. Ditën e martë SPAK lëshoi urdhër-arrestin për Alqi Bllakon, ndërkohë që ditën e mërkurë ky i fundit dorëzoi mandatin e deputetit para se të mblidhej Këshilli për Rregulloren Mandatet dhe Imunitetin.
Paraditen e sotme Bllako u shoqërua fillimisht në polici, ndërkohë që mbasditen e së enjtes gjykata vendosi masën e arrestit me burg.
