‘Breshëri’ plumbash drejt një makine në ecje.
Raportohet se nga të shtënat me armë zjarri ka edhe të lënduar.
Të shtënat janë dëgjuar shumë pranë fshatit Papër. Automjeti po lëvizte drejt zonës të njohur si Ura e Zezë, që lidh këtë zonë me Cërrikun.
Makina është larguar nga vendi i ngjarjes, ndërsa policia ka rrethuar zonën dhe po heton për të mësuar autorët dhe dinamikën e ngjarjes.
Në vendin ku janë raportuar të shtëna janë gjetur gëzhoja dhe xhama të thyer, ndërkohë që deri më tani asnjë person nuk ka shkuar në spital.
Policia e Elbasanit ka ngritur postblloqe në hyrje të Bradasheshit dhe po kontrollon automjetet e dyshimta për të bërë të mundur kapjen e autorëve.
