Gjykata e Tiranës ka dhënë sot vendimin për dy shtetas kamerunas dhe një zvicerane, që janë kapur me sasi të mëdha të kartëmonedhave, të dyshuara si të falsifikuara në Rinas.
Për të tre personat e dyshuar si të përfshirë në këtë veprimtari kriminale, gjykata dha masën e “arrestit me burg”.
Njoftimi i Gjykatës së Tiranës:
Më datë 16.02.2022, në aeroportin “Nënë Tereza” është ndaluar shtetasi i huaj me iniciale J.N, pasi nga kontrolli i ushtruar nga policia i bagazheve të tij, janë konstatuar një shumë e konsiderueshme kartmonedhash, të cilat dyshohet se janë të falsifikuara. Të përfshirë në këtë veprimtari kriminale nga veprimet hetimore ka rezultuar shtetasi i huaj me iniciale N.F dhe shtetësja e huaj me iniciale J.CH. Referuar interesimit të medias ju njoftojme se:
Gjykata e Rrethit Gjyqësor Tiranë, ka zhvilluar gjykimin lidhur me vlerësimin e “Ndalimit” dhe caktimin e masës së sigurimit “Arrest në burg” për personat nën hetim me iniciale N.F dhe J.CH, të dyshuar për kryerjen e veprës penale të “Falsifikimi i monedhave” kryer në bashkëpunim dhe me pasoja të rënda, parashikuar nga neni 183/2 i K.Penal.
Me vendimin nr.493 Akti, datë 26.02.2022 Gjykata e Rrethit Gjyqësor Tiranë ka vendosur:
-Vlerësimin e ligjshëm të ndalimit të kryer nga policia gjyqësore në datën 24.02.2022, ndaj të personit nën hetim N.F, i dyshuar për kryerjen e veprës penale “Falsifikimi i monedhave” kryer në bashkëpunim dhe me pasoja të rënda, parashikuar nga neni 183/2 i K.Penal.
-Caktimin ndaj personit nën hetim N.F, masën e sigurimit personal me karakter shtrëngues “Arrest në burg”, parashikuar nga neni 238 i K.Pr.Penale.
-Vlerësimin e ligjshëm të ndalimit të kryer nga policia gjyqësore në datën 24.02.2022, ndaj të personit nën hetim J.CH, i dyshuar për kryerjen e veprës penale “Falsifikimi i monedhave” kryer në bashkëpunim dhe me pasoja të rënda, parashikuar nga neni 183/2 i K.Penal.
-Caktimin ndaj personit nën hetim J.CH, masën e sigurimit personal me karakter shtrëngues “Arrest në burg”, parashikuar nga neni 238 i K.Pr.Penale.
Çështja në apel u shqyrtua mbi bazën e ankimit të bërë nga personi nën hetim me iniciale J.CH.
Në vijim, Gjykata e Apelit Tiranë, e përbërë nga Gjyqtare z.Ilir Toska me vendimin nr. 282, datë 29.03.2022 vendosi:
-Miratimin e vendimit Nr.493 Akti, datë 26.02.2022 të Gjykatës së Rrethit Gjyqësor Tiranë.
Tiranë, 29.03.2022
Gjykata e Apelit Tiranë
