Këngëtarja e famshme me origjinë shqiptare, Rita Ora ishte veshur me një fustan argjendi me thekë për të pozuar për Harper’s Bazaar Australia këtë muaj.
Rita foli për konceptin e famës, duke thënë se ajo e mendon veten si një njeri me këmbë në tokë.
Ajo tregoi nëse do të shpërngulej përgjithmonë në Australi – aty ku ajo takoi të dashurin e saj Taika Waititi.
E pyetur nëse do të zhvendosej ajo u përgjigj: “Kush e di? Rikthimi në Australi nuk është i përjashtuar. Më ka pëlqyer shumë jeta ime këtu dhe kam krijuar disa miq të shkëlqyer. Kurre mos thuaj kurre. Sigurisht që nuk është jashtë planeve.
Më vonë, Rita preku famën e saj dhe tha: “Njerëzit më pyesin gjatë gjithë kohës, ‘Si është fama?’ Dhe është vërtet e vështirë të shpjegosh famën nëse nuk je i famshëm. Është një koncept shumë i çuditshëm. Nuk e mendoj realisht si realitet… nuk e marr me vete në shtëpi. Më pëlqen ta mendoj veten si një person normal. Të gjithë ata që më takojnë më thonë: ‘Uau, je super me këmbë në tokë’. Por unë kam qenë gjithmonë e tillë. Dhe kur dal jashtë, e di. Njerëzit mund të vijnë dhe të flasin me ju. Njerëzit mund të vijnë dhe t’ju bëjnë fotografi. Është diçka që vjen me kohën.”
Ajo shtoi se miqtë e saj gjithmonë i thonë se ndonjëherë harrojnë që ajo është e njohur, por që ajo nuk do të lejojë që fama të ndalojë jetën e saj.
