Deputeti i PD dhe anëtar i Komisionit të Rithemelimit Edmond Sapo ka folur për zhvillimet e fundit në selinë blu, pas vendimit të dhënë nga Gjykata e Tiranës, e cila legjitimoi Kuvendin e 11 dhjetorit.
Në një intervistë për A2CNN, Spaho tha se aktualisht PD drejtohet nga Komisioni i Rithemelimit, deri në 30 prill kur do të mbahet Kuvendi dhe do të zgjidhen drejtuesit e rinj.
“Pas 7 muajsh, përpjekje shumë të mëdha gjërat u vendosën në vendin e tyre, e drejta shkoj atje ku duhej. Pavarësish hezitimeve që patëm nga opinipon publik provat treguan se ne kishim të drejtë.
U deshën zgjedhjet e 6 marsit që ky kuptim të merrte formën e duhur dhe gjykata vendosi kush kishte të drejtë.
Në 11 dhjetor të gjithë drejtuesit e PD u shkarkuan nga detyrat, për rrjedhojë nuk kanë pse të pretendojnë se i mbajnë këto poste, edhe gjykata e dha verdiktin e saj.
Nuk ka as kryetar të komanduar as kryetar real, ka vetëm komision të rithemelimit deri në 30 prill kur do vendosen drejtuesit”, tha Spaho.
