Ministri i Jashtëm rus, Sergei Lavrov, ka njoftuar se Federata Ruse do të kufizojë vizat për qytetarët e vendeve, të cilat i konsideron jomiqësore. Nga vendimi preken edhe qytetarët shqiptarë.
Rusia ka përfshirë në listën e vendeve jo miqësore edhe Shqipërinë.
Sipas mediave të huaja, lista përfshin Shtetet e Bashkuara dhe Kanadanë, shtetet e BE-së, Mbretërinë e Bashkuar, Ukrainën, Malin e Zi, Zvicrën, Shqipërinë, Andorrën, Islandën, Lihtenshtajnin, Monakon, Norvegjinë, San Marinon, Maqedoninë e Veriut. Gjithashtu përfshihen edhe Japonia, Korea e Jugut, Australia, Mikronezia, Zelanda e Re, Singapori dhe Tajvani (i konsideruar si një territor i Kinës, por udhëhequr nga administrata e tij që nga viti 1949).
