Kategoria Superiore prej një jave është pushim, pasi UEFA ka lejuar disa data të lira për skuadrat kombëtare që kanë angazhime zyrtare apo miqësore.
Klubeve të elitës në Shqipëri i ka bërë mirë pushimi, teksa lojtarët me problem fizike kanë dhënë shenja dhe janë kthyer në stërvitje. Tanimë java e 27 i ka datat e saj (jo përfundimtare), teksa elita do luajë në tre ditë.
Të shtunë në 2 prill, Dinamo luan me Egnatian dhe Kukësi me Tiranën, ndërsa oraret dhe stadiumet për këto sfida nuk janë vendosur ende. Të diel, Teuta luan me Skënderbeun në 16:45. Durrsakët pas tetë muajsh kthehen në “Niko Dovana” me fushë të re.
Të hënë në 4 prill, Vllaznia luan me Kastriotin, ndërsa Partizani me Laçin. Sfida të projektuara fillimisht në 17:45. Kjo nuk është ende agjenda përfundimtare, teksa në mesin e javë që vjen luhen edhe dy gjysmëfinalet e Kupës së Shqipërisë.
Superliga, java 27:
E shtunë, 2 prill 2022
Dinamo – Egnatia
Kukësi – Tirana
E diel, 3 prill 2022
16:45 Teuta – Skënderbeu
E hënë, 4 prill 2022
17:45 Vllaznia – Kastrioti
17:45 Partizani – Laçi
