Reperi Fedez, bashkëshorti i blogeres Chiara Ferragni, ka zbuluar përmes disa fotove, operacionin e vështirë që ka kaluar së fundmi, për të hequr një tumor të rrallë në pankreas.
Krahas fotove, Fedez shkruan se dy ditë pas operacionit ndihet shumë mirë dhe pret me padurim të kthehet pranë familjes.
Postimi i plotë i këngëtarit italian:
Javën e kaluar zbulova se kam një tumor të rrallë të pankreasit.
Një nga ata që nëse nuk i zbuloni në kohë, nuk është një bashkëjetuese e këndshme për ta pasur brenda trupit tuaj.
Arsyeja për të cilën u desh të bëja një operacion që zgjati 6 orë për të hequr një pjesë të pankreasit (përfshirë edhe tumorin).
Dy ditë pas operacionit, jam mirë dhe mezi pres të shkoj në shtëpi te fëmijët e mi. Do të duhet pak kohë.
Faleminderit mjekëve, kirurgëve dhe infermierëve që kanë qenë pranë meje gjatë këtyre ditëve intensive. Një falenderim i madh edhe për të gjitha mesazhet e mbështetjes dhe pozitivitetit që më dërguat. Ju dua, Federiko.
View this post on Instagram
