Një gjimnaste 11-vjeçare ukrainase, Kateryna Dyachenko, u vra për shkak të shembjes së shtëpisë së saj, e cila u godit nga një granatë ruse në Mariupol. Këtë e ka bërë të ditur trajnerja e saj Anastasia Meshchanenkova, cituar nga mediat vendase.
Gjatë sulmit ndaj banesës së tyre vdiq edhe babai, ndërsa nëna dhe vëllai u shpëtuan për mrekulli, edhe pse ky i fundit u plagos rëndë. Por të dy nuk mund të evakuohen nga qyteti dhe janë bllokuar së bashku me mijëra njerëz të tjerë.
Lajmin për vdekjen e Katerynës e dha trajnerja e saj, Anastasia Meshchanenkova, me një postim në Instagram dhe një foto të saj me gjimnasten e vogël.
Kateryna mban një medalje rreth qafës së saj. Fotoja është bërë dhjetorin e kaluar, kur lufta ishte shumë larg.
Vdekja tragjike shkaktoi bujë dhe zemërim në organizatat e gjimnastikës në mbarë botën. “Nuk mund ta besoj, kolegu ynë ukrainas ndau këtë tragjedi të tmerrshme. Kjo krijesë e mrekullueshme e butë është tashmë një engjëll,” tha gjimnastja bullgare Iliana Raeva, presidente e Federatës Kombëtare të Gjimnastikës Ritmike.
