Rusia ka deklaruar se do të dëbojë një numër të diplomatëve amerikanë, si shenjë e hakmarrjes, pas vendimit të Shteteve të Bashkuara të Amerikës për të dëbuar 12 diplomatë rusë.
Uashingoni ka thënë muajin e kaluar se do të dëbojë diplomatët rusë nga misioni i Kombeve të Bashkuara në Nju Jork, për shkak të shqetësimeve që kanë linddur me sigurinë, shkruajnë mediat ndërkombëtare.
Po ashtu, SHBA ka thënë se do të dëbojë edhe një tjetër rus, për të cilin autoritetet në Amerikë besojnë se është spiun.
Ministria e Jashtme e Rusisë ka marrë në pyetje ambasadorin amerikan në Rusi, John Sullivan si shenjë proteste ndaj etiketimit që i ka bërë presidenti amerikan, Joe Biden, liderit rus, Vladimir Putin, duke e quajtur “kriminel lufte”.
Një zyrtar i Departamentit amerikan të Shtetit ka konfirmuar se ka marrë listën e diplomatëve që janë shpallur “të padëshiruar” në Rusi. Ende nuk dihet sa kur diplomatët do të dëbohen nga Rusia.
