Zyrtarët ukrainas kanë njoftuar se më shumë se 4,500 civilë u evakuuan nga qytetet ukrainase përmes korridoreve humanitare ditën e sotme.
Gati 3,000 prej tyre udhëtuan nga qyteti i rrethuar i Mariupolit në Zaporizhzhia, tha zëvendëskryeministri i Ukrainës, sipas gazetës Kyiv Independent.
Ndërkohë 264 civilë janë vrarë në total në kryeqytetin ukrainas të Kievit që nga fillimi i pushtimit rus, tha kryebashkiaku i qytetit.
Vitali Klitschko tha se katër fëmijë ishin në mesin e të vrarëve nga forcat ruse. Ai shtoi se betejat po zhvillohen në zonën e Liutizh, një fshat rreth 20 milje në veri të Kievit.
Duke folur me gazetarët ndërsa në sfond mund të dëgjoheshin shpërthime dhe të shtëna armësh, Klitschko tha se forcat ukrainase kanë arritur gjithashtu të rimarrin kontrollin e zonave në veriperëndim dhe verilindje të qytetit, shkruan Skynews.
Dje, Ukraina tha se kishte marrë përsëri kontrollin e qytetit perëndimor të Makariv, por SHBA tha se nuk ishte në gjendje të konfirmonte pretendimet ukrainase.
