Informacionet për jetën private të presidentit rus, Vladimir Putin mbahen sekret. Një ndër pretendimet është se Putin ka studiuar në Universitetin Shtetëror të Shën Petersburgut me një identitet të rremë.
Lideri 69-vjeçar ka 2 vajza nga martesa me Lyudmila Shkrebnevën. Thuhet se Putin ka dhe një fëmijë nga lidhja që kishte me Svetlana Krivonogikh, e cila punonte si pastruese ndërsa ishte ende e martuar në fillim të viteve 2000.
Flitet gjithashtu për një lidhje mes Vladimir Putinit dhe gjimnastes, aktores dhe politikanes ruse Alina Kabaeva. Thuhet se Kabaeva i bënte udhëtimet e saj me shumë fshehtësi dhe mendohet se në këto udhëtime ka përdorur identitete të rreme.
Pretendohet se lidhja mes të dyve ka nisur në vitin 2008 dhe se kjo lidhje është arsyeja që Putini i dha fund martesës së tij 30-vjeçare. Madje raportohet se çifti ka 4 fëmijë të cilët jetojnë me dy vajzat e tjera të Putinit dhe të dashurën e tij Kabaeva.
Sipas pretendimit të politologut Valery Solovey ata janë vendosur në bunkerë bërthamorë në malet Altai.
