Gjykata e Tiranës ka caktuar masën e sigurisë “arrest me burg” për Arjan Shtëmbarin, që tre ditë më parë në Kombinat tentoi të vrasë me armë zjarri një 28-vjeçar.
Ndërsa janë liruar dy personat që u prangosën pasi u konfliktuan me të, Maksimilian dhe Edison Gashi.
Sipas prokurorisë, fillimisht ka pasur një konflik banal mes Arjan Shtembarit dhe Edison Gashit. Pas kësaj, 59-vjeçari Shtembari ka nxjerrë një armë zjarri tip pistoletë e ka qëlluar në drejtim të Gashit, por fatmirësisht pa plagosur njeri, për shkak se pistoleta është bllokuar.
Më pas ai e ka qëlluar disa herë Gashin me qytën e pistoletës, duke e dëmtuar në kokë dhe është larguar me vrap.
Në këtë moment, Gashi ka ndjekur Shtëmbarin, bashkë me shtetasin Maksimiljan Gashi, duke e qëlluar 59-vjeçarin me grushte dhe e mbajtën derisa erdhi policia e bëri arrestimin.
