Presidenti Ilir Meta ka pritur sot kryetarin e Bashkisë së Maltepes në Turqi, Ali Kiliç.
Meta foli me Kiliç për marrëdhëniet e shkëlqyera mes dy shteteve.
Kreu i Shtetit shqiptar shprehet se Kiliç e ka ftuar për vizitë në Turqi dhe se kjo ftesë është pranuar nga ana e tij.
Postimi i presidentit Ilir Meta:
Pata kënaqësinë të pres sot Kryetarin e Bashkisë së Maltepe të Turqisë, z.Ali Kiliç, me të cilin patëm një diskutim të frytshëm mbi marrëdhëniet e shkëlqyera dhe miqësore midis dy vendeve dhe popujve tanë.
Më përcolli përshëndetjet e ngrohta të Liderit të Opozitës në Turqi, Kryetarit të Partisë Republikane, z.Kemal Kiliçdaroglu, si edhe ftesën e tij për të vizituar së afërmi Turqinë, të cilën e pranova me shumë kënaqësi.
Forcimi i miqësisë së sinqertë midis dy vendeve tona është interes i gjithanshëm dhe afatgjatë i dy popujve tanë!
