Është aktivizuar sërish një vatër e zjarrit në Kam të Tropojës, edhe pse më herët ishte shuar një e tillë.
Ka dyshime se zjarri është përhapur për shkak të erërave shumë të forta që kanë përfshirë zonën.
Shërbimi i Pyjeve pranë Bashkisë së Tropojës bën me dije se zjarri ka dalë jashtë kontrollit, si rrjedhojë edhe e riaktivizimit.
Po ashtu, mësohet se zjarret që janë përhapur në Kam dhe Qorraj kanë bërë që të rrezikohen seriozisht disa banesa rreth e rrotull.
Autoritetet shprehen se është duke u punuar që të ndalohet përhapja e flakëve ndaj banesave, kurse janë djegur kullota me sipërfaqe dushku.
Bëhet me dije se zjarri nuk ka rënë në zona pyjore, që janë të mbrojtura nga shteti. Kërkohet ndërhyrje e specializuar nga forcat e MZSH për shuarjen dhe vendosjen nën kontroll të flakëve.
