Me një ditë vonesë, bordi i ngritur për vendosjen e çmimit të karburantit ka informuar për rritjen e çmimit të naftës në pompa.
Në njoftimin zyrtar, thuhet se bordi u mblodh ditën e djeshme megjithatë njoftimi u bë një ditë më vonesë. Ndryshe është vepruar në dy mbledhjet e mëparshme, kur çmimet e fiksuara janë njoftuar ditën e mbledhjes. Në ndryshim me më parë, megjithatë, këtë herë bordi vendosi të rrisë çmimin e naftës në pompa.
Kështu, nafta do të tregtohet me 221 lekë/litri, nga 203 lekë/litri që ishte më herët.
Benzina me 211 lekë/litri, çmimi i njëjtë me atë të vendosur më herët po nga bordi.
Çmimi nuk ndryshoi as për gazin që do të shitet me 93 lekë/litri.
Ndërkohë, njoftohet se bordi do të mblidhet sërish ditën e nesërme.
