Chelsea është ekipi i parë që siguron gjysmëfinalen e FA Cup, trofeu i dytë më i rëndësishëm në Angli.
Edhe pse në vështirësi të mëdha nga sanksionet e imponuara nga qeveria angleze ndaj klubit për shkak të Roman Abramovich, skuadra e Tuchel vijon të fitojë në fushë dhe sot eliminoi Middlesbrough.
Në çerekfinalen e parë nga 4 të tilla, Chelsea dominoi dhe zgjidhi gjithçka që në pjesën e parë ndërkohë që ishte rikthyer titullar edhe Romelu Lukaku. Sulmuesi belg nuk zhgënjeu duke shënuar menjëherë në 15’ teksa në 32’ mbylli llogaritë Ziyech më një tjetër gol.
Pjesa e dytë u menaxhua mirë nga “blutë e Londrës” që u kursyen me gola të shënuar teksa ishin perfekt në mbrojtje.
