Presidenti rus Vladimir Putin zhvilloi pasditen e së premtes një bisedë telefonike me homologun e tij francez Emmanuel Macron.
Sipas deklaratës së lëshuar nga Elysée biseda telefonike zgjati një orë dhe dhjetë minuta ndërsa bëhet e ditur se Macron adresoi situatën e përkeqësuar në Ukrainë, bombardimet e vazhdueshme të civilëve dhe mungesën e respektimit të ligjit humanitar.
Po ashtu, thuhet se u përmend fakti që mes dy palëve nuk është bërë deri më tani progres sa i përket bisedimeve mes delegacioneve.
Nga ana tjetër, lideri rus vijoi që të refuzojë përgjegjësinë për luftën në Ukrainë ndërsa homologu francez i kërkoi që të merren masa konkrete dhe të verifikueshme për t’i dhënë fund rrethimit të Mariupolit. Për Putinin, raporton Tass, “trupat nacionaliste ukrainase janë ata që janë duke kryer krime lufte dhe jo anasjelltas.
