Victoria Beckham ka fituar një shumë të konsiderueshme parash nga karriera e saj muzikore vitin e kaluar, pavarësisht se nuk ka mbajtur asnjë koncert të vetëm, shkruajnë media e huaja.
Këngëtarja ka pasur një fitim prej 566 mijë dollarësh për vitin 2020. The Sun ka raportuar se ish-firma muzikore e Spice Girls, Moody Productions Ltd, fitoi afro 659 mijë dollarë nga albumi i grupit dhe pagoi rreth 113.000 dollarë në taksë korporate nga fitimet e saj.
Victoria ka marrë fitime të rregullta nga muzika e saj, pavarësisht se refuzoi t’i bashkohej sërish vajzave në turneun e tyre të vitit 2019, por për biznesin e saj të modës nuk mund të thuhet e njëjta gjë.
Publikimi raporton se kompania e saj ka dështuar të arrijë fitim që kur paraqiti shifrat për herë të parë në vitin 2016 dhe në vend të kësaj ka pasur humbje në miliona dollarë.
