Nesër mbrëma skadon afati i fundit për të prezantuar një ofertë për blerjen e Chelseat dhe më pas të gjitha do të vlerësohen për t’u shpallur dhe fituesi ose pronari i ri i “Bluve të Londrës”.
Siç raportohet, së fundmi ka ardhur një ofertë prej më shumë se 2 miliardë Paund nga një fond investimi me bazë në Londër dhe që përveç ofertës ka gati edhe 50 mln paund për ndihmë imediate për klubin.
Por gjithsesi nuk janë ata më të favorizuar sepse janë 3 emra të tjerë të mëdhenj që kanë bërë oferta dhe shihen si më të favorizuar.
I pari është Familja Ricketts që zotëron Chicago Cubs në baseball MLB, më pas Woody Johnson që zotëron New York Jets, ekipin e futbollit amerikan NFL, dhe Todd Boehly që është pjesë e konsorciumit që zotëron shumicën e aksioeneve të ekipit të bejsbollit MLB, Los Angelse Dodgers.
Mes tyre shihet lufta për të parë dhe fituesin teksa afati i fundit për dorëzimin e ofertave, është caktuar dita e Premte.
