Ish-Kryeministri Sali Berisha u shpreh se ka pasur oferta famulose nga Gazpromi rus që të mos realizohej projekti TAP.
Berisha ka rrëfyer detaje nga bisedimet, ku edhe Italia nuk ka pasur interes në atë kohë për TAP, ndërsa mbështeste projektin që kalonte nga Greqia, hynte në Shqipëri, por nuk kishte lidhje fare me TAP, pasi ishte një miksim mes gazit rus dhe atij azer, por që vëllai i madh ishte ai rus.
“Kam pasur takime me miqtë e mi në Itali, më pas me Kryeministrin e asaj kohe Monti, që më tha që të mbështesja projektin që kalonte në Greqi, pastaj më tha mund të shtrihet në Vlorë por edhe në Shkodër. Në fakt unë i kam qëndruar pikë për pikë projektit TAP”, tha Berisha.
Ai tha se në atë kohë i ishte premtuar një investim deri në 4 mld euro në fushën energjitike vetëm e vetëm që Shqipëria të mos mbështeste projektin TAP.
Ai u shpreh se i vinte keq që sot është sanksionuar pa asnjë provë dhe fakt nga Sekretari amerikan i Shtetit.
Berisha tha se në atë kohë edhe zyrtarë të PS kanë pasur qëndrime jo në mbështetje ndaj projektit TAP, ku shpreheshin se nuk do të kishte asnjë impakt, por koha tregoi se unë kisha të drejtë në qëndrimin dhe mbështetjen që i dhashë.
Detajet sipas ish-Kryeministrit
Berisha: U duk se TAP po lan duart dhe se ne do ti imponojmë tender të ri Azerbaxhanit, por natyrisht ishte e pamundur, pasi aty ishte British Petrolium, ishin kompanitë më të mëdha të Europës dhe skishte më diskutim aty. U përfolën por mbetën në ndalesë, pezull. Shkoj për një vizitë në Itali dhe kryeministër ishte Mario Monti, ish-komisionet në Itali për konkurencën në BE, një njeri me shumë integritet dhe me mirëkuptim, më pret dhe… Në darkë miqtë e mi italian më organizuan një pritje dhe donin të më bindnin që të hiqja dorë nga TAP dhe më garantonin se interesi i Shqipërisë do mbahet parasysh plotësisht pasi do sillnin gaz nga Greqia deri në Vlorë dhe Shkodër dhe kudo tjetër. Ne respektojmë interesin. E kuptova sepse ishte pritja dhe u dëshpërova pasi e pashë se ishin bërë një murë i tërë dhe më pret kryeministri të nesërmen. Kryeministri filloi bisedenë me teza që i kishin sevirur miqtë e mi dhe e mbylli bisedën duke më thënë se interesat e Shqipërisë do të mbaheshin parasysh plotësisht dhe vetëm na i shprehën se ne do i kemi parasysh.
Meço: Pse nuk u joshët zoti Berisha, po të kemi parasysh rolin Italisë?
Berisha: Shumë i fuqishëm lobi rus në gaz. Kudo shumë i fuqishëm. Kthehem dhe i them, zoti kryeministër, unë do u them diçka si mik i Italisë, interesin kombëtar të Shqipërisë e mbroj vetë, interesin e Italisë dua ta mbroni ju. Ai zotëria në Baku ka një vendim projekt, gazin që janë të gatshëm që tja blejnë të gjithin rusët dhe turqit dhe iranianët, ka marë vendimin më të mirë të vendit të tij që ta sjellë te ju. Dhe në qoftë se Italia do e refuzojë një gjë të tillë, çfarë i mbetet Italisë të konkurrohet nga vende të tjera, të refuzojë një projekt. Ai më dëgjoi me vëmendje dhe aty për aty u thotë këshilltarëve që tani do të rishqyrtojmë me shumë interes ato që thotë ky miku jonë këtu. Dhë më thotë mua shumë faleminderit pasi ke qënë shumë i qartë në këtë problem.
Nga aty kam shkuar te presidenti italian Xhorxho Napolitano, shumë pro shqiptar që në fillim me një qëndrim jashtëzakonisht njerëzor për emigrantët shqiptar dhe ai me një kthjelltësi olimpike për atë projekt më thotë se ne do të vazhdojmë bashkë të punojmë për atë projekt sepse është një gjë shumë e madhe.
Këta të dy burra i zgjidhën dhe rusët u përpoqën jashtë mase, dërguar në 2010 një mik të çmuar timin që të heq dorë nga TAP me një ofertë fabuloze investim me 4 miliard euro në fushën e energjisë, por mikut tim i thashë se ti më njeh mua që jam njeri i fjalës dhe nuk lëviz nga projekti TAP.
