Komisioni Rregullator në KQZ ka miratuar rezultatin përfundimtar të zgjedhjeve të pjesshme lokale të 6 marsit. Në mbledhjen e sotme, “Rregullatori” miratoi rezultatet e dala në 6 bashkitë e vendit ku u zhvilluan zgjedhjet e pjesshme lokale, ku PS fitoi 5 prej tyre, ndërsa koalicioni ‘Shtëpia e Lirisë’, doli fitues në Shkodër.
Kandidatët që fituan në zgjedhjet e 6 marsit janë:
Vorë (votim elektronik)- Blerim Shera
Lushnje– Eriselda Sefa
Durrës- Emirjana Sako
Rrogozhinë- Edison Memolla
Dibër- Rrahim Spahiu
Shkodër- Bardh Spahia
Më 6 mars, në të gjithë vendin kanë marrë pjesë 29.6% e qytetarëve me të drejtë votë, që u përllogaritën 555 mijë qytetarë. Qarku me numrin më të madh të pjesëmarrësve në zgjedhje ishte ai i Dibrës, me rreth 42% e qytetarëve.
