Lideri historik i PD-së Sali Berisha, në fjalën e tij në parlament, foli për situatën politike në vend.
Berisha theksoi se varfëria ekstreme në Shqipëri është shtuar në mënyrë të frikshme.
Ai shtoi se edhe borxhi publik ka kapur majat e se politika e jashtme e vendit tonë nuk është në përputhje me ato të BE-së.
“Varfëria ekstreme në Shqipëri është rritur disa herë, borxhi ka kapur majat. Kjo qeveri ka abuzuar tmerrësisht, me tendera me çmim të 8-fishtë nga se duhet të jenë të shërbimeve. Shqipëria në tetë vjet është larguar nga politikat e BE-së. Rama i bën tualet Vuçiçit ditë e natë. Nisma e Ballkanit të Hapur u denoncua publikisht nga Europa.
Po shkatërrohet shteti ligjor në vend. Politikat e kësaj qeverie janë të tmerrshme ndaj qytetarëve të varfër. Vaji i gatimit është trefishuar, por juve iu intereson fasada. Politikat e jashtme bien ndesh me ata të BE-së.
BE ka një ndërgjegje, nuk pranon mohimin e gjenocidit. Kjo ndërgjegje kërkon dënimin pa kushte të gjenocidit. Po ka njeri që i bën tualet dit e natë një fasadë që i bën Rama Aleksandër Vucic. Edhe kur ai deklaron se do të respektojë kontratat, ky i joni thotë miku i Shqipërisë do të respektojë kontratat për interesa anti-shqiptare. Nisma e Ballkanit të Hapur është denoncuar nga e gjithë Europa, një ecuri e tillë është në vend numëro dhe prapakthehu. Shqipëria nuk plotëson standardet.
Shteti ligjor nuk ekziston. Shikoni funksionimin e tyre, janë garanci për të mos hecur drejt BE. Kjo mazhorancë dëshmon një arrogancë çnjerëzore, të paimagjinueshme ndaj qytetarëve të saj. Këta deklarojnë me krenari se nuk lëvizin asnjë taksë. Vendet e tjera kanë hequr taksat, kanë subvencionuar naftën. Faji është trefishuar , por ju nuk i interesojnë këto, u interesojnë fasadat. Çe keni këtë se gratë nuk e kanë për zakon servilizmin. Ku është ajo zonja që bën gara me Spiropalin për tu gjunjëzuar përballë Ramës, ajo që thotë Zeus”, tha Berisha.
