Një 23-vjeçar, i raportuar i humbur prej së paku katër ditësh, është gjetur i vdekur.
Autoritetet bëjnë me dije se kanë gjetur trupin pa jetë të shtetasit Llazar Palla.
Familjarët e tij kanë bërë denoncim për zhdukjen e të riut. Ai ishte person me aftësi ndryshe dhe trajtohej me kemp.
Të afërmit e Llazar Pallës kërkuan ndihmën e policisë për të gjetur atë. I riu ishte parë për herë të fundit pranë rezervuarit të fshatit Sqepur. Pikërisht në rezervuarin e këtij fshati, u gjet pa shenja jete i riu nga Berati.
Njoftimi i policisë:
Berat/Informacion paraprak
Ditën e sotme është gjetur i mbytur në rezervuarin e fshatit, Sqepur, Dimal, shtetasi Ll. P., 23 vjeç, banues në Sqepur, Dimal.
Shtetasi Ll. P. ishte shpallur në kërkim për largim nga banesa, në datën 14.03.2021.
Pas disa orësh kërkimesh, polumbarët e forcës Renea dhe shërbimet e policisë Dimal kanë bërë të mundur nxjerrjen e trupit të pajetë nga rezervuari.
Nga këqyrja paraprake e trupit nuk janë konstatuar shenja dhune.
Grupi hetimor po punon për zbardhjen e rrethanave të ngjarjes.
