Policia greke ka kapur 214 kg marijuanë në kufirin greko-shqiptar si dhe ka arrestuar 2 shtetas shqiptarë. Operacioni është zhvilluar në fshatin Vasiliko, Igumenicë, pranë rrugës “Egnatia”.
Furgoni që transportonte drogën shoqërohej edhe një makinë e cila prezupozohej të kontrollonte rrugën.
Dy shqiptarët e arrestuar janë të moshës 38 dhe 49 vjeç, ndërsa emrat e tyre nuk bëhen të ditur. Ndërkohë në një tjetër operacion më herët policia sekuestroi 11 kg drogë në fshatin Konicë, ku dy trafikantët braktisën çantat dhe u larguan në drejtim të tokës shqiptare.
